遊日本郊區

Date:11Jan2009~18Jan2009

天氣:-12'c~7'c

從未見過遍地積雪；從未試過雪地駕駛；從未玩過雪地滑雪，這個旅程一一做晒。我們從東京高田馬場的地方取車，然後經高速公路向伊香保方向出發，行駛着120~140公哩前進，天氣寒冷，我諗0'c左右啦！沿着道路見到一些細細既飄雪，好靚，天氣又好，真係心曠晨怡。

在伊香保，我們去過榛明湖及榛明山，原來頭文字D就在這裏取景，好靚，不過好凍，湖面結晒冰，我們下車玩左一陣雪，頂唔順，太......凍，立刻上車，在伊香保住了一晚後，早上還去了一個景點:「石段街」，食了一個勝月堂花之湯饅頭，非常好味，行了一陣，太凍頂唔順，又再上車去下一站草津。

草津出名係温泉之冠，果道有個湯畑好出名。我們沿着山腰路段行駛，突然越駛就越大雪，真係好大雪，下車拍了一陣DV，結果太凍又要立刻上番車。到了草津，積雪甚厚，我都驚架車找唔番。我們停留草津兩天，最開心可以浸温泉同玩滑雪。

係東京郊區玩了幾日之後又返回新宿市區，人多車多，不過可以食到好多美味食物，例如:蟹道樂、mo-mo-paradise火鍋放題、壽司大、博多天神拉麵等種種美味食物。臨走前我老婆梗係狂掃貨啦！佢話要促進經濟繁榮，衫褲鞋襪統統不放過，手信零食等....還有雪場蟹脚添！請多兩個保鏢都拎唔晒！真係救命呀！

回程時有段小插曲，我們已上了飛機，飛了約15mins左右機師說要折返東京成田機場，唔好玩啦！明天早上還要跑CCM！結果梗係大鑊飯啦！要逗留多一晚係東京先至攪得掂，天呀！不過算啦！預左佢地攪唔掂啦！惟有聽天由命，係機上浪費了很多寳貴光陰，報紙睇完又睇，部NDS打到冇電，坐到腳都麻痺先可以去洒店休息一晚，第二日先可以返回香港，幾小時既飛機變十幾小時出嚟！希望下次可以再順利一點啦！

是敵是友

日期:4Jan2009


9am start


是敵是友→→KOTH山野之王(西貢線)


猶記起上年西貢線比賽强差人意，前半程巳提不起勁，後半都不用多說，可能是經過一整季的調整，來到今年09年竟然做番齣好戲。我原本預計4:10完成就巳滿足，點知一開始就順着跑，節奏明顯地暢順，四肢有力，到了半程前面只有兩個對手，一個係是敵是友的隊友 William Davies，另一個都係快腳鬼佬，到半程時足足快我 3-5mins。當時我並不擔心，因為自己試路行過後半程，心裏巳知道每段的分段時間，如果佢地真係有超强實力的話，贏了是無話可說。

前半程都覺得自己跑得幾快吓，好多地方都要跑，上山都彈住上！到半程往鹿湖郊遊徑中途執到第一個參賽者(鬼佬)，看見他上山仲要食住powergel，雙腳都提不起來，背影仲係咁比我放大，我心想可以不理他了。只好繼續狂追前方對手 William。我知他同自己的距離應該不遠，因在之前在東蕊琪見到他們倆的背影，我想等他們先決戰(即互燒對手體能)，減少他們的戰鬥力。這樣想法真係行得通，在西灣路checkpoint轉上田尾山就見到william，我提醒自己仲未到決勝負的時候，唯有比多一點耐性，儲多一些能量。我們相距約40-60m左右，越行就越近。但唔知點解，到了最後一個山(大枕蓋)，對手仲加速拉開大家的差距，我再一次同自己講，落山係自己最擅長，一定要追過佢，憑著自己的跑山經驗，果然途中超越他，我仲問他要唔要水飲，說完我就一枝箭穿越馬路返先他1-2mins，到最後咬實牙關狂衝返終點，破了自己set吓來的目標，還造了自己的PB3:42完成。

山野之王基本裝備:

1.用自己着開既跑鞋
2.起步取一枝500ml運動飲料
3.運動衫褲+手襪
4.帽

http://www.seyonasia.com/previous/sk0809report.htm

新一年新開始 - 東北縱走馬拉松

日期：1 Jan 2009

Start time: 8:30am

參加組別：挑戰二人組

完成時間：3:15

路線:

烏蛟騰﹣＞芬萁托　﹣＞吊燈籠　﹣＞梅子林　﹣＞　分水坳　﹣＞　谷埔碼頭　﹣＞榕樹坳　﹣＞鎖羅盤　﹣＞荔枝窩　﹣＞　三椏村　﹣＞三椏涌　﹣＞　馬尿河　﹣＞　黃竹涌　﹣＞紅石門水庫　﹣＞觀音峒　﹣＞大峒　﹣＞下苗田　﹣＞烏蛟騰

參加了這個比賽已經五年了。我覺得這個比賽好好玩，抵玩又有咆越野賽感覺。今年又係玩二人組，夥拍超級高手 William Davies ，事前要多加練習，心想快d到比賽的日子啦！

我覺得玩隊賽容易些「起火」（即戰意倍增，不輕易放棄）。我們一起步已拍住頭幾個單人參賽者，上到吊燈龍仍然好輕鬆地跑動，我時常會問隊友可唔可以呀？每一次他都話沒問題，咁我就慢慢地再加快一些。由梅子林去分水凹好多都係要跑，沿途步速有增冇減，我係分水凹同隊友講，我地要儲多些體能在後半程加速時用架！大家都好似很有默契，在鎖羅盆捉到一個參賽者，我同隊友都好開心！我再同隊友講：try again，我地繼續順去到荔枝窩→三椏村→三椏涌，跑速以比自己正常速度還要快，但我地非常享受這樣的比賽。到了最後一個小山丘又捉到一個參賽者，但我地都唔得閒理咁多，繼續往前跑，一步都沒有停下來，越跑越起火，返終点時間3:15，我抱着隊友說聲多謝！安全到達，這天天氣非常好，非常享受這天帶給我的美好回憶！

www.hktraveler.com/nemm2009

昂步棧道 2009

日期：11 Jan 2009

Start time: 9：30am

參賽組別：混合組

Total time: 2:44

東涌－＞伯公坳 (52') －＞鳳凰山頂 (38') －＞CP3 戴維斯旅舍 (17') －＞CP4 彌勒山轉向站 (21') －＞昂平纜車頂 (16') －＞山腳底 (8')－＞東涌 (13')

平常心

早上氣溫寒冷，我和老婆 09 年的第一個比賽。

比賽氣氛都幾好，我們之前操過一課，預測希望用 3:14 到終點，結果因戰況激烈，一跑不可收拾，上鳳凰山一段還是我老婆的 PB 呢！雖然大家都有一點辛苦，但始終係回味0既，盡力地跑，用心去玩，平常心當一課操練已足夠了！下次一定會再做好些。

大會網站：http://npcw.yha.org.hk/intro.htm